Бір тұтас тәрбие аясында ұлттық ойындар

       Ақмола облысы білім басқармасының Астрахан ауданы бойынша білім бөлімінің жанындағы Петровка ауылының «Айгөлек» бөбекжайында «Біртұтас тәрбие»  бағдарламасы аясында іс-шаралар ұйымдастырылуда. Бала бойына  ерлікті, өжеттілікті және батылдылықты қажет ететін қазақтың ұлттық ойындарынан байқау ұйымдастырылды. Баланың сөздік қорын молайтуға, өмір тәжірибесін кеңейтуге және ептілік қабілеттерін жетілдіруге ықпал ететін, сондай-ақ адамгершілікке, сыйластыққа және ауызбіршілікке тәрбиелеу мақсатында ұйымдастырылған іс-шараға «Айгөлек» бөбекжайының тәрбиеленушілері қатысты.   Осы ұлттық ойындар арқылы өз халқының тарихын, жерін, даму сатысын, әдет-ғұрпын, салт-дәстүрін және қонақ жайлылығын айқындап көруге болады. Қазақтың ұлттық ойындарының мына түрлерімен ойнатылды, соның бірі  «Асығың алшысынан түссін»  Ойының шарты: балаларға ұлттық ойын туралы түсіндіру, әр асықтан шыққан тапсырманы орындату. Бұл ойынға бөбекжай ішіндегі топтардан 4-5 жас аралығындағы балалар қатысты. «Балдырған» әр түрлі жастағы қазақ тобынан -6- бүлдіршін, «Ақбота» мектеп алды даярлық тобының тәрбиеленушілері 4- бала қатысып, өз белсенділіктерін көрсетті. Ұлттық ойын: «Арқан тарту»  Ойын шарты: балаларды арқан тарту ойынына үйрету, ұлтжанды болуға тәрбиелеу, ептілікке, жылдамдылыққа, шымыр болуға дағдыландыру. Ойынға «Радуга» әртүрлі жастағы орыс тобынан  2 – бала қатысты, «Балдырған» тобынан 2- баласы қатысты. «Ханталапай» ұлттық ойыны. Ойын шарты: «Ханталапай» бұл ойында бала саны шектелмейді, балалар жерге домаланып отырып, ортаға дорбада салынған 100 шақты асықты тастайды, отырған балалар таласып алап, қай балаға 100 асықтың ішіндегі бір асық қызыл түсте болады, кімге сол асық түседі ханталапай ойынын сол бала бастайды. Асықты ортада тұрған қызыл кілемнің ортасын ақ сызықпен сызып қойып, сол сызықтың бойымен асықтарын қойып шығады да, өздеріне бір асық алып қалып, кезекпен асықтарын дәлдеп тізігіп лақтырып ойынайды. Бұл ойында балалар дәлдікті, шапшаңдықты. Логикалық ойлауы дамытады. Ханталапай ойынына «Ақбота» мектепалды даярлық тобының тәрбиеленушілерінен  6- бала қатысып, Нұрмұхамед Әділет жеңімпаз болды.Іс-шара жоғарғы деңгейде өткізіліп, балалар әр ойынға қызыға қатысып, белсенділік таныты.